الاعظمي
{{}} عضـو مشارك {{}}
المساهمات : 139
تاريخ التسجيل : 06/10/2007
 |  موضوع: دك بيك الارهاب  05.11.07 14:49 | |
|
دكـ بيك الارهاب "
دكَـ بيك ألارهــاب أعوام وأعـوام
ونخـر جسمك بمبدأ طائفــــــيه
وصــاير كل مواطن عرضــة للموت
أذا مو انفجــار السبب جنسيــــه
ناس تكَــول شيعـة التذبح النــاس
وناس تكَـول هــاي الشغلة سنيــة
أذا سني تموت بـدون اي حســـاب
وأذا تُذبح سببهـا المـــــله شيعية
بعد ميفرق أبـــداً من يفجر صــار
بين أعــداء هوة ونــاس عاديــه
لذلك من يفجر انتــه دوم تشـوف
طايــــح عل طفل جزدان حجيـه
وجزع حتى الملك من كثـرة الاموات
وصــاح بصوت لحظة واصبروا عليه
هسه انـا بطفل مذبــوح بالتفخيخ
وقبــل شوية شلت بنيــة عذريه
تحلـم بالـــزواج وبيت وأطفـال
ومحبـــــوب اليجيها بليله كمريه
موتوهـا الجماعـــه وكَصوا الراس
كالــوا شون تطلع هاي أباحيـــة
نفذ بينـا الصبر وخلصت دموع العين
من كثر اليصير هنــــــانه يوميه
بعد منريد جيش وشرطة وجنـــود
ولانحتــاج عمــلة وخطة امنيــه
بس نحتـاج احنـــا نصفي الكَلوب
ومحتاجين صدة ولفتـــــه ألاهيه
| |
|
mazn
{{}} عضـو مشارك {{}}
المساهمات : 108
تاريخ التسجيل : 21/08/2007
| | موضوع: رد: دك بيك الارهاب 05.11.07 16:45 | |
| الف رحمه على اهلك اخويه الاعظمي على هاي الكلمات
تقبل مروري | |
|
