المغترب
{{}} عضـو جـديد {{}}
المساهمات : 19 تاريخ التسجيل : 12/11/2007
| موضوع: الى كل مغترب ارجوا منه الدخول 14.11.07 12:36 | |
|
في البداية اتمنى تقروها كلها للنهاية ************
ياليل هم رجعت شتريد وك ياليل
من وحشتك شيبت و الحيل ما ظل حيل
مثل الرماد اشتعل و ابقى احترك كلي
من اذكر امي الصبح من تكعد تصلي يجاوبه يا ما نصحتك انا , تذكّر شنساك
كتلك بلادك ذهب هو الذي سواك
و انت ابن هذا البلد لا تنكر الرباك
غشوك وصفوا الك دنيا و سعادة و خير
ما تدري شما هجر لازم يعود الطير يردله هسه انا وين اصبحت عنهم و وين اهلي
بس عين عندي بقت منها الدموع تسيل
اشتاكيت لاهلى انا و لكعدت اخواني
و كلمة هلا و مرحبا بشفاف جيراني يجاوبه شوداك لاهل الغرب شتسوي رحت هناك
من ترجع من الشغل منهو اليتلكاك
امك تحضر الغدة و اختك تصبلك ماي
جاي انت من الشغل مية هلا بهالجاي
و كلشي محضر الك و كاوي لك هدومك
و ابنك يشبكك شبك و يشاركك نومك يردله شتاكيت لاهلي انا و لكعدة اخواني
و كلمة هلا و مرحبا بشفاف جيراني
ملعون هذا الزمن ليوين وداني
خلاني اخلص الوكت بالحسرة و الياويل
يجاوبه تشوفهم بالغرب كل واحد و ربعه
تكعد و مالك ربع و بعينك الدمعة
مو جنا نطلع سوة للجامع الجمعة
و الثوب ابيض حلو و من تمشي شمحلاك
اي لعد ما تكلي منو الوداك هناك يردله الليل بس يم هلي ثوب الفرح لابس
و محلاهه من تنسمع صفارة الحارس
زاد اهلي طيب يظل لو بس خبز يابس
و مكره زاد الغرب بالمنة و التذليل يجاوبه ببغداد عدنا حلو لمن يصير غروب
عالجسر فوك الجسر تمشي انت و المحبوب
و دجلة تحضنك حضن و تحس العمر ما فات
و محلاهه لمت هلك و كاعد بالكريعات يردله شتاكيت انا لموطني و احسد اللي شافة
و لماي دجلة العذب من تشربه تتعافه
يا ريت منه العسل لو رادن شفافة
و انا الك مشتاك يا جاي ابو الهيل يجاوبه و هنا يحسمها و لو تجي و تفتر بعد و تدخل على المنصور
طيبة و حنان و عشك و طيور احلى طيور
و العيدعدنا حلو والله يا عيدي
يله نقارن سوة و ايدك تظل بيدي
ايفل و برجه و هله و لندن و كل ت**اس
يروحون فدوة و نذر لشارع ابو نؤاس انتضر ردودكم يا حلوين
| |
|
الامير
{{}} عضـو نشـيط {{}}
المساهمات : 87 تاريخ التسجيل : 15/09/2007 العمر : 44
| موضوع: رد: الى كل مغترب ارجوا منه الدخول 15.11.07 7:17 | |
| نشكرك اخي وبارك الله فيك واعانك الله على غربتك انا لست بغريب ما دمت اعيش لديني فهل تؤيدني ؟ والوطن آه من الوطن لمن ضاع بعد شتفيد الحسرات غير الندم نسال الله ان يعيدكم الى عراقكم الجريح فالعراق بحاجة اليكم وان كان مليئ بالرجال الابطال الامير | |
|